HUYE: UBUSHINJACYAHA BUKURIKIRANYE UMUGABO WISHE UMWANA WE ANAKOMERETSA UMUGORE WE

Ubushinjacyaha bukurikiranye umugabo w’imyaka 39 ukekwaho kwica umwana we w’imyaka 2 akanakomeretsa umugore we  w’imyaka 34 akoresheje agasuka .

Icyaha cyabaye ku wa 03/01/2022 mu gihe cya saa mbiri z’ijoro mu  mudugudu wa Nzovi, Akagari ka Nyamiyaga, Umurenge wa Muyira ho mu  Karere ka Nyanza, nyuma y’uko batonganye bapfuye  ko atamutekeye.
Mu ibazwa rye, ukekwa  yemera ko yakubise agasuka mu mutwe umugore we ubwo yinjiraga mu nzu, akubise iya kabiri  n’iya gatatu zifata umwana  yari  ahetse bahise bajyanwa  kwa muganga bagerayo umwana ahita apfa.

Ibyaha akurikiranyweho biramutse bimuhamye  yahanishwa  igifungo kigera ku myaka 25 , nk'uko giteganywa  kandi kigahanishwa ingingo ya 21 n’ingingo ya 107 y’Itegeko nº 68/2018 ryo ku wa 30/08/2018 riteganya ibyaha n’ibihano muri rusange

Share Button