KARONGI: UMUGABO AKURIKIRANYWEHO ICYAHA CYO KWICA UMUGORE BABANAGA

28.06.2017

Ubushinjacyaha Urwego Rwisumbuye rwa KARONGI rwaregeye mu mizi Urukiko rwisumbuye rwa KARONGI  umugabo witwa Bahigabose  Fidele w'imyaka 39 y'amavuko icyaha cy'ubwicanyi, icyaha cyakozwe mu ijoro ryo ku wa 16 Kamena 2017.Uyu mugabo akaba  akekwaho kwica umugore babanaga mu buryo butemewe n’amategeko amukubise umuhoro mu mutwe.

Uyu mukabo akaba akekwaho ko iki cyaha cy'ubwicanyi yagikoreye mu Mudugudu wa Kamina, Akagari ka Gisiza, Umurenge wa Rugabano ho mu Karere ka Karongi ahagana saa tatu za nijoro , biturutse ku ntonganya uregwa yari amaze kugirana na nyakwigendera  MWITIREHE Jeanne ubwo  yamusaba amafaranga undi yamubwira ko ntayo afite, nyakwigendera ahita amutuka ko ari imbwa ;Uregwa aga ahita amukubita umuhoro yari afite mu mutwe, yarangiza akamusiga aho akigendera.
Uru rupfu rukaba rwaramenyekanye  mu gitondo, ubwo abana bari babyutse basanga umurambo wa nyina uryamye mu ruganiriro bahita batabaza abaturanyi, uregwa ahita afatwa ashyikirizwa inzego  z'umutekano, ubu  afungiye muri cachot ya Bwishyura.



Twabamenyesha ko Nyakwigendera yari yarabyaranye  abana bane   na Bahigabose  bakaba babanaga mu buryo butemewe n’amategeko. Ingingo ya 143 y'itegeko ngenga No 01/2012 ryo ku  wa 02/05/2012 rishyiraho igitabo cy'amategeko ahana ibyaha mu Rwanda iteganya igihano cy'igifungo cya burundu.

Share Button