RUSIZI : UBUSHINJACYAHA MURI GAHUNDA YO KURWANYA IBYAHA BY’IHOHOTERWA RISHINGIYE KU GITSINA N’ICURUZWA RY’ABANTU.

28.06.2017

Ku wa 23 Kamena 2017 Ubushinjacyaha ku Rwego Rwisumbuye rwa Rusizi bwatanze ikiganiro kigamije kurwanya ibyaha by’ihohoterwa rishingiye ku gitsina no gucuruza abantu. Icyo kiganiro kikaba cyarahawe   abanyeshuri bo mu Kigo cy’amashuri yisumbuye cya St François d’Assise SHANGI n’abo mu Kigo cy’amashuri abanza cya St Jean Bosco SHANGI byombi biherereye mu Karere ka Nyamasheke. 

Ibiganiro byabereye muri Salle y’Ishuri Ryisumbuye rya St François d’Assise bikaba byaritabiriwe n’abanyeshuri n’abarezi babo bagera kuri 800 basobanuriwe ihohoterwa rishingiye ku gitsina icyo ari cyo , ingaruka zaryo banasobanurirwa icyo amategeko ateganya ku byaha by’ihohoterwa rishingiye ku gitsina n’icuruzwa ry’abantu, n’icyakorwa mu rwego rwo kurwanya ibyo byaha no gutabara uwabikorewe. Abanyeshuri bafashe ingamba zo kwirinda abashobora kubashukisha impano iyo ari yo yose cyangwa ubundi buriganya bagamije kubahohotera.


Ubuyobozi bw’ishuri n’abanyeshuri bishimiye iyi gahunda yateguwe n’Ubushinjacyaha   mu kurwanya ibyaha by’ihohoterwa rishingiye ku gitsina n’ibyaha byo gucuruza abantu ,  basaba ko iyi gahunda  yakorwa hose,  ikajya  ikorwa nibura rimwe mu gihembwe. 

Share Button