Kuwa gatandatu, Kamena 24, 2017

RUSIZI:YAHANWE N'URUKIKO NYUMA YO GUTAHURWAHO GUHIMBA IMPAMYABUMENYI MUBY'UBUVUZI

Urukiko Rwisumbuye rwa Rusizi rwakatiye Ndayizeye Eric igihano cy’igifungo cy’imyaka itatu, akazafungwa umwaka 1 indi myaka 2 igasubikwa mu gihe cy’imyaka 3 rumaze kumuhamya icyaha cyo gukora no gukoresha inyandiko mpimbano zigizwe n’impamyabumenyi mu buvuzi n’izindi nyandiko zinyuranye  yari yasabishije akazi K’ubuganga mu bitaro bya Mibirizi.
Ndayizeye Eric yamenye ko mu bitaro bya Mibirizi bakeneye abaganga, nuko ku itariki ya 13/03/2017 ajyanayo ibyangombwa byanditse mu mazina ye by’ibihimbano atangira akazi. Ibyo byangombwa bigizwe n’impamyabumenyi yo mu Ishami ry’ubuvuzi no kubaga (Bachelor of Medecine and Surgery) yatanzwe na Kaminuza y’u Rwanda Ishami rya Huye, icyemezo gitangwa n’urugaga rw’abaganga na seritifika  z’amahugurwa anyuranye z’impimbano.

Ku itariki ya 11/04/2017, amaze ukwezi kose mu kazi, nibwo ubuyobozi bw’ibitaro bwatahuye ko atigeze yiga iby’ubuganga ashyikirizwa Ubugenzacyaha.

Urukiko kandi rwategetse ko inyandiko zose z’impimbano za Ndayizeye   zinyazwe zikazatwikwa urubanza rumaze kuba itegeko.

Share Button

Abadusura ku rubuga

Ku munsi :
000309
Mu cyumweru :
005183
Muri uku kwezi :
016470
Muri uyu mwaka:
117817
Bose :
742909

NPPA Nkoranyambaga

P.O. Box: 1328 KIGALI - RWANDA,E-mail: info@nppa.gov.rw